સટાક

એક'દિ તુલસીદાસને વાંચવા બેઠી 

એ સ્ત્રી ચોંકી ઉઠી, 

ઢોલ ગવાર શૂદ્ર અપી નારી, 

સબ તાડન કે અધિકારી.

ને પછી તો,  

સંસ્કૃત માં પીએચડી કર્યું, 

ને બેન રેશનાલિસ્ટ બની ગઇ, 

તમાચો પડ્યો તુલસીદાસ ના ગાલે.. 

સટાક...

સ્કૂલમાં સાહેબે વાર્તા કહી 

દ્રૌપદીની ભરી સભાની

ને એ કંપી ઉઠી, 

બની વકીલ

ને સબક શીખવ્યા

જુગારી પતિઓને..

તમાચો જડ્યો અર્જુન યુધિષ્ઠિર ના ગાલે...

સટાક...

ઘરના તે આંગણા ન ઓળંગાય, 

સ્ત્રી પણ શૂદ્ર કહેવાય,

ને વાર્તા જ્યારે સાંભળી 

એકલવ્ય ના અંગૂઠાની.

એ તો દોડી દોડી એવી તે દોડી 

કે મેડલ લાવી તાણી.

એક બે ત્રણ નહિ, 

છ છ મેડલ લાવી 

ને તમાચા ઝીંક્યા

દ્રોણાચાર્ય પર

સટાક 

સટાક 

સટાક 

સટાક 

સટાક ને 

સટાક..