EVM

EVM

તારી કહાની

લાગે બહુ સુહાની

તું જાદુનું ડબલું

તું હુકમનું પાનું.

જે તારી 

દહેલીજે આવે

તું એને રે જીતાડે.

તારી લીલા અપરંપાર

તારી માયા નહિ મેલાતી

લોકશાહી માટે તું તો

બની ગઈ  કાલી ટીલ્લી.

EVM

તારી કહાની

એમ તો બહુ પુરાણી.

પેલા

ગામેગામ દબંગીયા

ચૂંટણી દાડે નીકળતાં.

વાસે વાસે જઈને

ચવાણું-પેંડા વહેંચતાં.

એક દારૂની થેલીએ

ઇમના અંગુઠા લેતાં.

પછી

ગરીબ, મજદૂર ને

બદલે

લઈ સિક્કાએ હાથે

બેલેટે લગાવતાં.

કતલની એ રાતે

કઈ કેટલાય

અરમાનો વેચાતા.

આ દબંગોની કહાની

 બેલેટ, એવીએમે

કદીયે ન બદલાણી.