અકળાવતો સવાલ

મારા બાપા હતા મિલ મજૂર

વણતાં કાપડ કો-ઓપરેટિવ મિલમાં,

દાદા હતા વણકર, વણતાં કાપડ

ઘરના ફડદામાં રાખતા ખટારો.

કાકા, મામા, માસા બધાં જ તો વણતાં,

રૂમાલ પછેડી ગરણું બધુંય રંગબેરંગી.

ઉત્તર ગુજરાતમાં મારા ભાઈઓ,

પટોળા બનાવી હજારોમાં વેંચતા.

તોય... આજે હું જ્યારે જ્યારે

ખાદી પહેરુ ત્યારે ત્યારે.......

મને અવાજ સંભળાય તમે તો

ગાંધીવાદી છો હેં!!!

સાલું.... મારા વડવાઓ....

કાપડ વણતાં ને પેટર્ન ગાંધીબાપા ને નામ??

2જી ઓક્ટોબર ની પૂર્વસંધ્યાએ

અકળાવતો સવાલ.

30/9/18