હાલોને , લિંચિંગ લિંચિંગ રમીએ

હાલો ને લિંચિંગ લિંચિંગ રમીએ,

તમે મોબ લિંચિંગ કરજો,

અમે ડોળા ફાડી તાકી રહીશું..

લઘરવઘર બાઈને બચ્ચાચોર કહીશું,

એ ચોરંટીને પકડી તમે ખૂબ માર  મારજો,

કપડાં ફાડી એના, ઉભી બજારે દોડાવજો..

અમે મારો મારો કહીશું, 

હાલો ને મોબ લિંચિંગ કરીએ.

ભીખારીને આપણે ચોટી કાપનાર કહીશું,

ભરબજારે એને, થાંભલે બાંધી દેશું,

વારાફરતી પછી, છૂટા પથ્થર મારશું,

ફાવે એવી મોટી મોટી મણ-મણની દેશું,

અલ્યા હાલોને મોબ લિંચિંગ કરીએ.

દાઢીવાળા ટોપીવાળા જુવાન-ડોહાને પકડશું,

ખરીદેલી એની ગાય-રૂપિયા ઝુંટવી લઈશું,

એને ઓલી ગાડી પાછળ બાંધી ઢસરડશું,

લાકડીયું ને પાઇપથી ફટકારતા જાશું,

એના મોમાં લાકડું નાંખી જય બોલાવશું,

તો આવો ત્યારે, મોબ લિંચિંગ કરીએ.

તો ચાલો હવે, લિંચિંગ લિંચિંગ રમીએ,

અલ્યા, આવો ત્યારે, લિંચિંગ લિંચિંગ રમીએ...

4/10/2018