સાવ અજાણ્યા મારગે
જોને નીકળ્યા સંગાથે.
તૂટલાં-ફૂટલાં જોડાં
જોને થીગડિયાં વાઘા શોભે.
ગાભાની બનાવી થેલી
જોને પસ્તીની નોટો માંહે.
પાંચ સેતરવા દોડ્યા
જોને નિહાળ ત્યારે ભાળે.
નીતરતા પરસેવે પછી
જોને સાવરણી પકડીને વાળે.
નળિયાંવાળા ઓરડા
જોને ઉબડ-ખાબડ તળિયું વાગે.
ગંદું ગરમ પાણી પીતા
જોને ખીચડીમાં કંકર આવે.
પેટ ને સ્લેટ ભરાતાં
જોને દિમાગે જ્ઞાન જાગે.
ભણીગણીને આવ્યા
જોને આ મેરિટિયા* હિસાબ માગે.
*મેરિટિયા - બિનઅનામતિયા
ટિપ્પણીઓ નથી:
ટિપ્પણી પોસ્ટ કરો