બળાત્કાર

તમે જોઈ હતી એને રમતી

ઉછળતી, કૂદતી, હસતી ને ગાતી, ખળખળ વહેતી.

ક્યાં છે એ?

એનું હાસ્ય

એનું મધમધતુ યૌવન

એનું લયબદ્ધ ગાન

એનું સૌંદર્ય...

 એ હવે લુપ્ત થઈ ગયું,

એનું હાસ્ય વિખેરાઈ ગયું,

એનું સૌંદર્ય કરમાઈ ગયું,

એ બની ગઈ જીવતી લાશ..

એક અતિકામિત  પુરુષ,

 અનિચ્છા છતાંય પત્નિ

પર રોજ બળાત્કાર કરતો હોય,

પોતાની કામેચ્છાઓ સંતોષવા

રોજ શરીર ચૂંથતો હોય,

 

ખાતા ન શીખેલું બાળક,

ટીપું ટીપું દૂધ માટે

માતાની મનાઈ છતાંય,

સ્તનો ને ચૂંસી ચૂંસી ને

ભૂખ સંતોષવા પ્રયત્ન કરતું હોય,

એ રોજ ચૂંથાયેલ શરીરવાળી સ્ત્રી,

ઉભું હાડપિંજર જ હોય.

એ ચુંસાયેલ સ્તનોવાળી માં,

સૂકી ઉજ્જડ રણ જેવી જ હોય,

બસ એવી જ...

હાલત થઈ ગઈ છે,

પેલી હસતી, રમતી, કૂદતી,

આનંદ દેનારી નર્મદાની....

એની પર ડેમ બન્યોને,

જાણે એવું જ લાગે કોઈ

રોજ બળાત્કાર કરી શોષી રહ્યું છે એને.

એના શરીર ને નાની મોટી

કેનાલ બનાવી વહેંચી એવી કે,

રોજ મધ્ય ગુજરાતથી લઈને

કચ્છ સુધી એના સ્તનો ચૂંસી રહ્યા સહુ.

એ ડેમ અને કેનાલોમાં વહેંચાઈને,

એ કુપોષિત, હાડપિંજર બની

કુંઠિત બની ગઈ છે,

એનું હાસ્ય, ઉછળકૂદ,

ગીત, ભરપૂર યૌવન

અકાળે વૃદ્ધ થઈ ગયું છે.

ને આપણે સહુ ભેગા મળીને,

નર્મદે સર્વદે નર્મદે સર્વદે

ના બરાડા પાડી રહ્યા છીએ.....

31/12/2019.