અંધશ્રદ્ધા

હે વિધર્મીઓ

નાસ્તિકો

દેશદ્રોહીઓ,

તમને કોઈ હક નથી.

કોઈની લાગણી દુભાવવાનો,

અંધશ્રદ્ધા માટે બોલવાનો.

તમારે 

બસ ચૂપ રહી તમાશો જોવાનો,

અમારી રોજી રોટી છીનવી ને,

તમે ક્યાં ભવે સુખી થશો બોલો.

આ અબુધ જનતા જો

જ્યોતિષ નહિ જોવડાવે,

ભૂતપ્રેતથી ડરશે નહિ,

વળગાડ કઢાવવા નહિ આવે,

તો અમારું શું થશે બોલો.

 

કદી વિચાર કર્યો છે ખરો!

આ દેશમાં બેરોજગાર ઓછા છે?

કે તમારે અમનેય બેરોજગાર કરવા છે?

એટલે જુવો,

નાસ્તિકો તમે સાચા જ છો,

રેશનાલિસ્ટ તો અમારેય બનવું જ છે,

પણ ઓલું કહેને, પાપી પેટ કા સવાલ હે,

એવું જ કંઈક છે.

એટલે તમતમારે 

વિરોધ કરો વરહ ના વચલા દાડે,

વાંધો નહિ, પણ થોડું અમારુય વિચારીને હો,

બાકી તો 364 દાડા

મીડિયા, છાપા, ને નેતા

બધા અમારા જ છે.