કવિતા: તમારી , અમારી

તમારી કવિતાઓમાં

પ્રેમ સૌંદર્ય લાગણી,

નમણી નાર અષાઢી સાંજ

વરસતો વરસાદ ને વિરહ છે.

અમારી કવિતાઓ માં

નફરત ધિક્કાર વેદના,

શોષિત સ્ત્રી વિકરાળ રાત

જીવતી લાશો રૂપી દેહ છે.

તમે એને શણગારવા શબ્દોને

મારી કાપીને છંદ અલંકાર રચાવો,

અમે એને વગર શણગારીયે,

જેમ શબ્દો સ્ફુરે એમ લખી દઈએ.

તમારી કવિતાઓ ગવાશે વંચાશે,

પાઠ્યપુસ્તકો માં ભણાવશે,

એવોર્ડ ને ઇનામો મેળવશે.

અમારી કવિતાઓ ખૂણે ખાંચરે

મિટિંગો વિરોધો આંદોલનોમાં

એકસૂરે પ્રચંડ અવાજે બોલાશે.

એજ

ફરક રહેશે

તમારી અને અમારી

કવિતાઓમાં.....

15/10/18