માનવતાની હોળી

હોળી આવી

હોળી આવી

નિત નવા રંગોને લાવી,

લાલ લીલો નિલો

સૌથી ઉપર ભગવો

ભગવાની તો,

હોળી આવી

હોળી આવી.

ભગવા ના 

નામે જુવોને, ખેલ એવો 

ખેલાતો આજે,

ગાય, ગોબર, મંદિરની

કાજે

જીવતો જન ભૂંજાતો.

હોળી આવી

હોળી આવી.

નિત નવા રંગોને લાવી.

લીલો એવો રંગ

રોજ ચડે ને ઉતરે,

નાના નાના ભૂલકાં જોને 

ફુગ્ગા જેમ ફાટે.

આતંકીઓના હાથે

રોજ માનવો મરતા.

હોળી આવી

હોળી આવી

નિત નવા રંગોને લાવી.

પ્રેમનો રંગ છે

મેઘધનુષી,

ના કોઈને સમજાતો,

લેલા-લાલો

કૃષ્ણ-ફાતેમાં

લવજેહાદના

નામે મરતાં.

હોળી આવી

હોળી આવી

લાલ લાલ રંગોથી 

અહીં, 

રોજ ખેલાતી હોળી.

ઓનર કિલિંગ

લવજેહાદ

મંદિર-મસ્જિદ

જીવતી, મુરદા ગાય

અછૂતપણાં નામે,

અહીં, તો રોજ ખેલાતી

હોળી.

રોહિત-ડેલ્ટા

નામી અનામી

રોજ કેટલા મરતા!

ભાનુભાઈના જેવા 

આજે 

ન્યાય કાજે જલતા.

હોળી આવી

હોળી આવી

લોહીની પિચકારીથી

રમતા માનવોની

હોળી આવી.

1 માર્ચ2018