ઇમની સંસ્કૃતિ

 પરદાદી એમના

વાસીદા કરતી, 

એમણે વખારમાં શોષણ કર્યું

દાદી એમનાં ખેતરુમાં  સલો કરતી,

એમણે ખેતરુમાં શોષણ કર્યું

માડી એમનાં ઘરોમાં કચરાપોતાં કરતી,

એમણે ઘરોમાં શોષણ કર્યું

હું એમના બંગલા બનાવવા 

દાડિયું કરતી, 

એમણે બંગલામાં શોષણ કર્યું

આ છોડી 

ભણી-ગણી 

એમની ઓફિસુમાં નોકરી કરતી,

એમણે ઓફિસુમાં ય શોષણ કર્યું

આ શોષણ 

સામંતોનો વારસો છે. 

ઇમની સંસ્કૃતિ છે

ઇમના લોહીમાં ઊતર્યું છે.