370

370 ઇ વળી શું?

ન મને ખબર હતી

ન મને સમજ હતી,

  

ગણિત શીખવતી વખતે,

370 ત્રણ અંકની સંખ્યા

શીખવેલી બસ.

પણ, હમણાં હમણાં રાજનીતિમાં

370 નામ એવું તે ચર્ચાયું કે,

370 એટલે દેશભક્તિ,

370 એટલે મત,

370 એટલે રાષ્ટ્રપ્રેમ,

370 એટલે દિલ્હીનો તાજ,

એવું કંઈક જાણવા મળ્યું.

    

રામના નામે પથરા તરેલા એવી

દંતકથા તો જાણતા હતા,

પણ, આ વખતે 370ના

નામે નેતાઓ તરી ગયા.

વિરોધ પક્ષ પાસે એક જ સજ્જડ વિરોધ હતો,

કરી બતાવો દૂર 370 બહુમતી છે તો,

ને અચાનક એમણે નોટબંધીની જેમ

370 નાબૂદીની જાહેરાત કરી બતાવી.

ભક્તો નાચ્યા, વાહવાહી કરી

ને મીડિયાએ ભરપેટ વખાણ કર્યા.

પણ,

ધીમે ધીમે કઈક સમજાવા લાગ્યું,

35 દિવસ બાદ પણ,

ઈન્ટરનેટ બાન,

મોબાઈલ બાન,

વિરોધ પક્ષ જેલમાં,

કોઈ સમાચાર નહિ,

કોઈ ડિબેટ નહિ,

         

એક આખો પ્રદેશ સંપર્ક વિહોણો,

જેમ પૂર વખતે કોઈ ગામ સંપર્કવિહોણું બને.

વાહવાહી, નાચગાન પૂરો થઈ ગયો,

ભક્તો, જનતા બીજા મુદ્દે ભટકી ગયા.

પણ,

હજુય 370 ની બાદબાકી બાદ,

જમ્મુ કાશ્મીર 35 દિવસ

પહેલાનું સ્થગિત થઈ ચૂક્યું છે.

શું થયું હશે?

શું હાલત હશે?

કોણ જીવિત કોણ મૃત હશે?

કોના આંસુ કોણે લૂછયા હશે?

કલ્પના પણ નથી!

       

 દિવસોના દિવસો બાદ દબાયેલી સ્પ્રિંગ

જ્યારે ઉછળશે ત્યારે શું થશે???

ભૂત-વર્તમાન-ભવિષ્ય અને 370,

ભયંકર સ્થિતિ નિર્માણ કરશે!!!!

10/9/2019