બે સેકન્ડ મોટી

--------

અમે જન્મ્યાં સાથે

બસ બે સેકન્ડના અંતરે

એ નાનો ને હું મોટી

એને કુલદીપક કહ્યો મને લક્ષ્મી.

એ લાડકો ને હું લાડકી.

રડ્યાં, હસ્યાં, ધાવ્યાં

લાડ પણ કર્યાં સાથે.

પગમાં સાંકળિયાં ખમક્યાં

પાનીમાં મોજડી ચૂં ચૂં થઈ

અને ચાલ્યાં સાથે.

પછી,

મારાં કાન, નાક, પગ, હાથમાં

બેડીઓ જડાણી.

એનાં કાન, નાક, પગ, હાથમાં

મુક્તતા સોહાણી.

ભણ્યાં, ગણ્યાં, લડ્યાં, રમ્યાં સાથે

યુવાન થયાં

પાબંદી મુકાણી બહાર ન જવાની

ને એ સ્વતંત્રતાને પામ્યો.

બે સેકન્ડ મોટી છતાં

મારા પર પહેરેદારી

એને...