ચિનગારી

પંચાવન ડીગ્રી તાપમાને

કેટલાય કીમી દોડતો દોડતો

આવ્યો.

એવો અકળાયો કે,

ઠંડા પાણીની બોટલને

આખા શરીરે છાંટી.

અને પછી, એક દીવાસળી

શરીર સમીપે લીધી.

એ ભડભડ સળગ્યો.

દોડ્યો, પડ્યો,આખરી 

જંગ જીવન સાથે લડ્યો.

પણ, એ હાર્યો તોય જીત્યો.

એક ચિનગારી જલાવી, 

પોતાના શરીર ઉપર,

બીજી ચિનગારી જલાવી,

વેરવિખેર સમાજ ઉપર.

 

એ મોત સામે 

ઝઝૂમ્યો  

જીવ્યો

લડ્યો

ડાઈંગ ડિકલેરેશન માં

બોલ્યો

જય ભીમ.

એના મોત પર

પત્ની બોલી

જય ભીમ

એની લાશ પાસે

સમાજ બોલ્યો

જય ભીમ

એના જનાજામાં

સમાજ રડ્યો

બોલ્યો જય ભીમ.

13માર્ચ 2018