કૂતરાપણું

કેટલાય દિવસનો ભૂખ્યો

ચોંટી ગયેલ પેટ એવું કે,

પેટ અને પીઠ ની ચામડી

એકબીજાને સ્પર્શતી ભાસે,

શ્વાસ લેવામાં  થાક લાગે

બોલવામાં  હાંફ લાગે,

ચાલવામાં પગ ધ્રૂજે

આંખે અંધારા આવે,

બટકું રોટલો માટે ફાંફા મારે

સ્વમાન મૂકી  ભીખ માંગે,

લોહીના આંસુએ રોતો

મોત ને એ આવકાર આપે,

રસ્તે જોયું જ્યાં દૂધ ઢળેલું,

કૂતરા ને ચાટતા જ્યાં જોયું,

ભૂખની એ ચરમ સીમાએ,

ચાર પગે પડ્યો સંગે,

ચાટ્યું દૂધ ને ભૂખ સંતોષી,

કૂતરા સમાજે સાથ આપ્યો,

ન એકેય ભસ્યા કે કરડયા,

કૂતરાં પણા ની લાજ રાખી,

ને એને આભાર બતાવી,

ચાલ્યો ફરી ઘરના રસ્તે,

રસ્તે મોટી લાઈન જોઈ,

રાહત સામગ્રી વહેંચતા દીઠા,

જઈને જ્યાં નજીક પૂછ્યું,

મનેય મળશે રાશન થોડું?

નામ વગર ના કોઈને મળશે,

ચાલ્યો જા હટ કહેતા બોલ્યા,

ને એ હસી ને ચાલ્યો,

માનવતા ની હાંસી ઉડાવતા,

કૂતરાપણાં ને સલામ ઠોકી.

16/4/2020........