અજબ કરો છો ગજબ કરો છો,
જાતિવાદીઓ તમે ગજબ કરો છો.
નીંદવા, વાવવા, કાપવા, વાઢવા,
ખેતી કામમાં મજૂરો જોઈએ.
અજબ કરો છો ગજબ કરો છો,
જાતિવાદીઓ તમે ગજબ કરો છો.
ઢોરા ચરાવવા, વાસીદા કરવા
ઘોડા સાચવવા રખેવાળ જોઈએ.
અજબ કરો છો ગજબ કરો છો,
જાતિવાદીઓ તમે ગજબ કરો છો.
ઘર, બંગલા, મંદિરો બનાવવા,
ઊંચી ઊંચી ઇમારતો બનાવવા,
રોડ, નાળા, પુલ બનાવવા.
બધાય કામમાં દાડિયા જોઈએ.
અજબ કરો છો ગજબ કરો છો,
જાતિવાદીઓ તમે ગજબ કરો છો.
હોટલ, સિનેમા, ઓફિસોમાં.
સ્કૂલ, કોલેજ, યુનિવર્સિટીમાં,
ઘર, શેરી, ધર્મશાળામાં,
સફાઈ કરવા પટાવાળા જોઈએ.
અજબ કરો છો ગજબ કરો છો,
જાતિવાદીઓ તમે ગજબ કરો છો.
કારખાના, કમ્પની, બજારોમાં.
દુકાન, મોલ, મહેલોમાં,
મજૂર તરીકે બસ મજૂરો જોઈએ.
અજબ કરો છો ગજબ કરો છો,
જાતિવાદીઓ તમે ગજબ કરો છો.
એજ,
મંદિર, બંગલા, ઘર, શેરી ને
ધર્મશાળામાં,
એજ,
મજૂર ને પ્રવેશવા
તમે જાતિ પૂછો છો???
અજબ કરો છો, ગજબ કરો છો,
જાતિવાદીઓ તમે ગજબ કરો છો.
ઓ, મનુવાદીઓ તમે ગજબ કરો છો.
જાતિવાદી મનુવાદી માનસિકતા ધરાવતા સર્વ જનોને સમર્પિત.
ટિપ્પણીઓ નથી:
ટિપ્પણી પોસ્ટ કરો