એક પુરુષ

એક પુરુષ

યુ નો,

આ પુરુષ તમને હાલતા ચાલતા

ડગલે ને પગલે મળી જશે.

નાનો મોટો

કાળો ધોળો

ઊંચો નીચો

અમીર ગરીબ

દંભી સ્વાર્થી

કામી નામી

વેપારી પૂજારી

નેતા અભિનેતા

ભોળો લૂચ્ચો

શેઠ નોકર

એકેક સ્વરૂપે મળી જશે.

યુ નો,

આ પુરુષ જબરો બહુ,

એની જનનેદ્વિયો પર એનો કાબુ જરાય નહીં,

એની આવેગોની તીવ્રતા ઉભરાતા દૂધ જેવી,

એના દેખાડવા ને ચાવવાના બેય જુદા,

એવો બહુરૂપિયોય ખરો.

યુ નો,

આ પુરુષ ને મન સ્ત્રી એટલે.....

રમકડું, પગની પાની, 

આવેગ શાંત કરવાનું મશીન,

વંશ વધારવાની સીડી,

તમામ જરૂરિયાત પુરી

કરતું મફતિયું મજૂર,

ને ગુસ્સો ઠાલવવાનું

મુંગું સાધન.

યુ નો,

આ પુરુષ ને 

કાળી ગોરી

ઊંચી નીચી

જાડી પાતળી

નાની મોટી

ગરીબ અમીર

અભણ ભણેલી

રૂડી કદરૂપી

કુંવારી પરનેલી

બધીય ચાલે,

વાત જ્યારે એના આવેગો ની આવે.....

યુ નો,

એટલે જ કહું,

આ પુરુષથી

ચેતવી ને રે જે બાઈ...