#yesIcantbreath
Yes, I can't breath!
હે અશ્વેત આફ્રિકન આ ફકત તારા એકલાનો પ્રશ્ન નથી,
આ તો શાશ્વત પ્રશ્ન છે સમગ્ર બ્રહ્માંડ નો.
ભારતના દરેક નગરમાં,
નગરના દરેક મહોલ્લા માં,
મહોલ્લા ની દરેક ગલીઓમાં,
ગલીઓના દરેક ઘરોમાં,
કોઈ છે જે તારી જેમ જ કહે છે,
Yes, I can't breath!
કોઈ અછૂત છે, કોઈ મજૂર છે,
કોઈ કાળું કે કદરૂપું છે, તો કોઈ છે પર પ્રાંતીય.
કોઈ સ્ત્રી છે, કોઈ બાળક છે, તો કોઈ છે નાન્યેતર જાતિનું.
એ દરેક બસ તારી જેમ જ બોલ્યા કરે છે,
Yes, I can't breath!
કોઈ બંધુઆ મજૂર છે, કોઈ છે સફાઈ કર્મી,
કોઈ કોલસા કાઢતો ખાણિયો છે,
કોઈ છે ખેડુ ભૂમિહિન.
કોઈ છે કચરા પોતા કરતી બાઈ,
કોઈ છે મેલું ઉપાડતી દાઈ,
કોઈ છે શરીર વેચતી મજબૂર આઇ,
ને એ બધા તારી જેમ જ કહે છે,
Yes, I can't breath!
કોઈ ચા ની કીટલી એ બાળક નાનું,
કોઈ રેસ્ટોરાં એ ટેબલ ઝાટકતું છાનું,
કોઈ ખભે થેલી રાખી ફરતું, વીણતું કચરો ઢગલે,
કોઈ ઢોર ચરાવ તું, વાસીદું કરતું ઘરનું,
એ સર્વ પણ તારી જેમ જ બોલ્યા કરે છે,
Yes, I can't breath!
ઘૂંઘટમાં ઘૂટન છે,
જાતિ, ધર્મમાં ઘૂટન છે,
મજૂર માં ઘૂટન છે,
બાળક, સ્ત્રી માં ઘૂટન છે,
કોર્પોરેટ માં ઘૂટન છે,
નોકરી ધંધા માં ઘૂટન છે,
તકલીફ એમની એ જ છે કે,
એ બધા સાથે મળી ગ્રેટ અમેરિકન ની જેમ
કહી નથી શકતા એક અવાજમાં,
Yes, We All can't breath!
ટિપ્પણીઓ નથી:
ટિપ્પણી પોસ્ટ કરો