આંકડાની માયાજાળ

આંકડાની માયાજાળમાં

એવા તે ફસાયા અમે,

કે મનમસ્તિષ્ક માં ઘૂમે

બસ આંકડાઓ.

આરોગ્ય કર્મચારી કહે,

સોઇ ક્યારે મારી?

દવા ક્યાંથી દઈએ??

હજુ તો સર્વે કરી ઓનલાઈન આંકડા છે નાખવાના.

નિશાળના માસ્તરો બોલે, 

બેટા જાતે વાંચો.

ઓનલાઈન હાજરીને, એકમ કસોટીના આંકડા ઓનલાઈન છે નાખવાના.

વેટરનરી ડોકટર કહે, 

અમારે હજુતો

ઘરે ઘરે ઢોર છે ગણવાના,

એમાંય પાછા મેઈલ ફિમેલ પણ અલગ છે કરવાના,

હે પશુપાલક ખબર છે, તારો બળદ બહુ બીમાર છે,

પણ શું કરું મારે ઓનલાઈન આંકડા નાખવાની આજ છેલ્લી ડેઈટ છે.

ક્યાં કેટલો પાક થયો?

કોણે કેટલો વીમો ભર્યો,?

જમીન વળી કોની કેવી??

એ જાતભાતની મહિતીઓ ભરી,

અમારે આચારસંહિતા પહેલા,

સર્વે કરી ઓનલાઈન ડેટા છે દેવાના.

તો, હે ખેડૂત ભાઈ તમારી વાત સાંભળવા,

તમારા ખેતરે આવવા,

તારી ખેતીમાં આવી જીવાત જોવાને,

અમારી પાસે ક્યાં વધ્યો છે ટાઈમ???

જુવો ને અમ, સમદુખિયા કેવા ફસાયા છે?

ઈન્ટરનેટની દુનિયામાં આંકડાની માયાજાળમાં.

3/4/2019